Kantik 39 (86)

Ann kiltive fwi lanmou an

(1 Korentyen 13:8)

1. Avèk amou, Jewova vide

Benediksyon sou moun k ap preche,

Li ba yo tout sa yo bezwen

Pou ranpli ministè yo byen.

Yo jwenn pwofi nan lespri li.

Sa fè yo kiltive bon fwi.

Gen youn yo bay plis atansyon :

Lanmou ki san konparezon.

2. Nou vle preche ak anpil pasyans,

Toujou aji avèk byenveyans.

Men, n ap travay plis sou lanmou

Pou nou vin pi konplè chak jou.

Lespri nou sèl pap janm sifi

Pou n ede mouton n ap nouri.

Donk annou sèvi ak tout kè n,

Pou n ka atenn granmoun kou jèn.

3. Pandan n ap lite pou n bay rannman,

Ann kenbe lyen lapè a toutan.

Ann pran pasyans devan lemal.

N ap ede fèb yo, se nòmal.

N ap gen jwa nan sa n antreprann,

Se pa enterè n n ap defann,

Konsa, lanmou n pral yon reflè

Lanmou Jewova ki pafè.