Kantik 42 (92)

Ann preche ak anpil kran

(Travay 4:13)

1. Tout sèvitè Ya dwe toujou djanm,

Paske Satan vle detwi tout nanm.

Nou jwenn kouraj nan Pawòl Bondye,

E nan pataje sa nou te tande.

Pawòl Bondye a ban nou pisans,

Li fè n ret djanm menm lè n nan soufrans.

Ann ret byen fèm, ann montre n vanyan,

Tankou apot ak fidèl tan lontan.

2. Piske nou kwè, ak tout kè nou vre,

Pawòl Bondye a se verite,

Nou pa pè sa lòm ka fè n sibi,

Menm lè n pa anpil, lafwa n byen bati.

Ann konsantre n sou ministè a,

Ann fè moun yo konn bon nouvèl la.

Lè n preche byen fèm jiska lafen,

Bondye ap zanmi n toutan, se sèten.

3. N ap ede fèb yo ak kè kontan,

Pou yo menm tou ka pale ak kran.

Jèn timoun yo, n ap toujou ede,

Pou yo vin byen djanm san yo pa tranble.

N ap konsole moun k ap soupire,

N ap di yo : kouraj, Bondye toupre.

Tè a, li pral dirije kòm Wa,

Konsa, n ap kontan louwe Jewova.