Kantik 3 (6)

Ann pwoklame bon nouvèl etènèl la

(Revelasyon 14:6-8)

1. Toutotou tè a, zanj Jewova ap vole.

Li gen yon bon nouvèl ijan pou l deklare.

Li di : ‘ Bay moun sou twòn nan glwa epi krenn li. ’

Wi, adore Ya, se li sèl pou nou sèvi.

Kouny’a lè jijman Trèwo a gentan rive.

Talè konsa tout mechan yo pral pran tranble.

Kidonk, moun k ap preche Wayòm nan pa dwe pè,

Ak fòs, yo dwe bay mesaj la sou tout latè.

2. Ansuit, men sa yon lòt zanj deklare byen fò :

Nou menm Temwen, fòk n anonse tribò babò

Gran Babilòn nan plat atè, wi, li tonbe.

Talè konsa, Bondye pral detwi l san pitye.

Kidonk, Jewova òdone pou n fè konnen

Li pral vanje, l ap sangtifye non l fen e byen.

Tèritwa n ap preche n ap anseye a gran,

Men, zanj Bondye nan mitan syèl la pran devan.

3. Pitit Gason lòm nan ak zanj li yo zele,

Li kòmanse jije nasyon yo toutbonvre.

Nou menm, mouton fidèl, rayi mal, fè sa k byen,

Se sèl Bondye pou n krenn, kòmandman l pou n renmen.

Men lòd Seyè a bay, nou tout dwe aplike :

‘ Preche pawòl la, anseye laverite. ’

Minis nou ye, n ap egzòte moun avèk kran :

“ Vin adore Ya, vin sèvi l ak kè kontan. ”