Kantik 95 (213)

Ann travay ansanm nan inite

(Efezyen 4:3)

1. Nou dwe ini nan menm kwayans.

Nou dwe rejte endepandans.

Konsa, n ap viv ann amoni,

E lapè ap blayi.

N ap jwenn benediksyon,

Paske nou ini.

Menmsi nou gen anpil talan,

Nou pa dwe janm fè enpòtan.

Ak modesti, ak vrè lanmou,

Ann louwe Bondye nou.

2. Monn s’a chaje ak vye dezi,

Konpetisyon, lahèn, konfli.

Lapè, nou toujou ap chèche.

Li tankou lawouze.

Lapè rafrechisan,

Tankou lawouze.

Ka gen dezagreman pafwa.

Nou enpafè, se sa k fè sa !

Lè n regle yo san pèdi tan,

N ap ret ini vrèman.

3. Tank n ap travay ansanm chak jou,

Ann demontre inite nou.

Li plezan, li dous e li bèl.

Pou nou, li esansyèl.

Nou cheri inite,

Li sitèlman bèl.

Nou jwenn byenfè nan inite.

Donk, ann ret kot Jewova Dye

Ki ban nou lapè kounye a,

Ann sèvi l ak lajwa.