Kantik 14 (34)

Annou viv ann amoni ak kokenn non nou pote a

(Izayi 43:10-12)

1. Glorye Jewova, toupisan, etènèl,

Ou bon, ou jis, lanmou w pa gen parèy.

Tout verite sot nan ou, sajès ou gran,

Ou Souvren nan syèl la, se yon mèvèy.

Plizyè miryad zanj pran plezi sèvi ou,

Bèl bagay ou kreye yo ba ou glwa.

Ou rele nou Temwen w, sa fè nou beni.

Nou swete byen pote non w, bon Papa !

2. Ede nou, o Ya, sezi tout okazyon

Pou n onore non w, pran swen mouton w yo,

N ap suiv deprè Jezi Kris modèl nou an,

Enstriksyon l san fay, yo tout wo nivo.

Nou vle veye sou fason n aji chak jou,

Pou nou pa sal bèl renome w genyen.

Se gwo privilèj nou genyen pou n Temwen w.

Nou swete toujou viv an vrè kretyen !

3. Pandan n ap pousuiv sèvis presye nou an,

N aji ansanm nan lanmou ak lapè,

Nou jwenn kontantman Bondye ban nou chak jou,

Lwanj nou fè pou li bay lajwa nan kè.

Ann amoni ak non nou, nou swete viv,

N ap pote laverite toupatou.

Sa ki pi bèl, nou gen yon gwo privilèj

Pou n rejwi kè w, o Jewova, Wa nou !