Kantik 15 (35)

Chemen estrawòdinè lanmou an

(1 Korentyen 13)

1. Bondye lanmou an mande nou,

Pou nou suiv chemen lanmou.

Ann kite lanmou pou Bondye

Gide tout aksyon n chak jou.

Menmsi n gen lafwa, konesans,

Don lang ak don pwofesi,

Si nou pa ta genyen lanmou,

Tousa t ap pou granmesi.

2. Nou gendwa ap preche anpil,

Andire pèsekisyon.

Ki pwofi sa t ap pot pou nou,

Si mobil nou pa ta bon ?

Lanmou trè pasyan e li bon,

Li rejte vye ajisman,

Li pa jalou, li pa fè wè,

Li gen tak, li byenveyan.

3. Vrè lanmou pa janm irite,

Sa ki mal pa fè l plezi.

Li solid, li konn andire,

Nan sa ki dwat li rejwi.

Lafwa, lespwa, lanmou ap la,

Toutotan n sèvi Bondye.

Men, sa k pi estrawòdinè,

Se lanmou Bondye mete.