Kantik 33 (72)

Kè kontan ak fwi sèvis Wayòm nan bay

(Matye 5:12)

1. Nan sèvis Bondye nou an, Jewova,

Lajwa nou jwenn nan, pa gen tankou l.

N ap preche bon nouvèl la ak tout kè n,

Pou lòt moun ki vle ka vin an foul.

Jezi Kris te ban nou yon asirans :

Lè nou bay, nou jwenn plis kè kontan.

Ki pi bon bagay nou ta kapab bay ?

Laverite pou moun ki obeyisan.

2. Menmsi pandan n ap preche kay an kay,

Yo pase n nan jwèt, yo vag sou nou,

N ap ret ak yon fèm detèminasyon,

N ap kenbe fidelite n chak jou.

E si gwo pèsekisyon ta frape n

Paske n ap defann non Jewova,

Jezi di n vole anlè ak lajwa,

Paske pwofèt tan lontan yo te jwenn sa.

3. Sèvis sakre a ranpli n ak lajwa,

N ap mache sou tras Seyè nou an,

Ann di mechan yo Bondye pral vanje,

N ap onore Jewova ki gran.

Nou pote espwa pou moun k ap jemi :

Yon monn san peche, san krim, pa lwen.

Sa ban n kè kontan ak satisfaksyon.

Lavi etènèl pral konble tout bezwen.