N al “ kay an kay ”
Kantik 12 (32)
N al “ kay an kay ”
1. N al kay an kay, n al pòt an pòt,
Pou n gaye Pawòl la.
N al vil an vil, pou nou pran swen
Tout mouton Jewova.
Wayòm Bondye ap domine,
Se sa Kris te predi.
Se mesaj s’a k ap simaye,
Granmoun, timoun, bay li.
2. N al kay an kay, n al pòt an pòt,
Delivrans n ap preche.
Se moun ki chwazi envoke
Non Bondye k ap sove.
Ki jan y ap envoke yon non
San yo pa menm konnen l ?
Donk, kit nan kay, kit nan papòt,
Nou sipoze nonmen l.
3. Se vre, nou pap jwenn nan chak pòt
Yon moun ki vle koute.
Pafwa gen moun ki repouse n,
Lòt menm pa vle tande.
Se menm sa k te rive Jezi,
Tout moun pa t koute li.
Men, mouton l ap rekonèt vwa l,
Kidonk, nou pap desi.
4. Wi, pòt an pòt, annou preche,
Lajounen kou lannuit.
Moun y ap chwazi sa yo vle ye :
Mouton oswa kabrit.
Omwen, n ap fè konn Jewova,
Verite l n ap gaye.
E, tank nou prale pòt an pòt,
N ap jwenn mouton l yo vre.
