Kantik 77 (174)

Ret je klè, vin djanm, kenbe fèm

(1 Korentyen 16:13)

1. Ret je klè, vin djanm, kenbe fèm

Nan gè pou laverite.

Montre nou se moun ki pa pè,

Laviktwa n ap ranpòte.

Sou lòd Jezi, Gran Gideyòn nan,

N’ansèkle kan Madyàn nan vrèman.

Talè, n ap pouse kri batay la,

Ènmi yo ap pran tranble.

2. Ret je klè, ret nan bon sans nou,

Fò n toujou obeyisan.

Ret nan plas nou e toujou suiv

Pawòl Kris, Seyè nou an.

Nan bèl egzanp li, nou rive wè

Ki jan Jewova ka fè n favè.

Kòm yon sèl, n ap sèvi Jewova,

N ap ret fidèl pou toutan.

3. Ret je klè e toujou pasyan.

Suiv Jewova ak lafwa.

Li gen kontwòl tout bagay nèt.

Li pap janm aji twò ta.

Jan sòlda Gideyòn yo te fè,

N ap tann pou Jezi di nou li lè.

N ap obeyi prensip batay la

K ap defann non Jewova.

4. Ret je klè e rete ini,

Defann laverite byen.

Anba lòd teyokratik la,

Se pou n soumèt nou, Temwen.

Rele byen fò, nan plèn kou nan mòn :

‘ Se epe Ya, epe Gideyòn ! ’

Ret je klè, vin djanm, kenbe byen fèm !

Mache dwat jiska lafen !