Timoun se kado presye Bondye bay
Kantik 72 (164)
Timoun se kado presye Bondye bay
1. Timoun yo, se byen Bondye ban nou,
Pou n fòme e pou n bay enstriksyon.
Tankou flèch nan men yon nonm vanyan,
N ap gide yo nan bon direksyon.
Bondye di n toutbon :
‘ Sèvi ak baton. ’
Men, avèk tandrès, lanmou, bonte,
Pou n jwenn bon rezilta, n ap priye.
2. Pou n konprann sa ki nan kè yon jèn,
Sa mande pou n gen anpil ladrès.
Men, si nou kòmanse byen bonè,
Nan kè yo, n ap retire feblès.
N ap jwenn gran byenfè,
Si nou pran bonè.
Chèche èd Bondye, konte sou li,
Pandan n ap aplike tout sa l di.
3. Lè n pale ak timoun yo chak jou,
Y ap alèz, kidonk yo pap jennen
Pou yo di n sa ki nan panse yo.
N ap vin bon zanmi yo, se sèten.
Nou pap kritike.
N ap kominike.
Nou dwe bay timoun yo bon egzanp
E konsa, y ap briye tankou lanp.
4. Timoun yo se yon bèl eritaj,
Men, se Bondye ki mèt yo vrèman.
Fwi sa yo ap yon gwo rekonpans,
Si n ede yo gen bon disènman.
Jan n espere sa,
Y ap vin gen lafwa.
Fè Bondye konfyans nan tout domèn.
Avèk yo, ann louwe l ak tout kè n.
