Vin chante chan Wayòm nan !
Kantik 81 (181)
Vin chante chan Wayòm nan !
(Sòm 98:1)
1. Wi, gen yon chan, yon chan viktwa ki trè bèl.
Li glorifye Sila ki Siprèm nan.
Pawòl li yo ankouraje n ret fidèl.
Vini chante chan s’a ak kè kontan :
‘ Jewova Wa. Se pou n rejwi.
Syèl ak tè a, chante pou li. ’
Chan nouvo s’a di Jezi Kris vini Wa,
Se pou tout moun ba li onè toutan.
2. Avèk chan s’a, nou pwoklame Wayòm nan.
Kris ap reye, tèritwa l se latè.
Gen yon nouvo nasyon ki vin pran nesans,
E Jezi Kris ap gouvène l aklè.
‘ Pwostène nou, devan twòn Ya.
Jezi se Wa. Fè moun konn sa !
Se pou tout moun vin aprann chan Wayòm nan.
Louwe Bondye, konsa n ap jwenn byenfè. ’
3. Tout moun ki enb ka aprann chan Wayòm s’a.
Pawòl yo klè, yo bèl e yo briye.
Sou tout tè a, anpil moun ap chante li,
E yo menm tou, lòt moun yo envite :
‘ Vin adore Bondye ki fò,
L ap libere n anba lanmò. ’
Ann met ansanm pou n chante lwanj Jewova.
Chan Wayòm nan glorifye l toutbonvre.