Èske moun mouri ka leve vre?
Èske w t ap di...
-
wi?
-
non?
-
petèt?
MEN SA BIB LA DI
“Pral gen yon rezirèksyon.” — Travay 24:15, Tradiksyon monn nouvo a.
BYENFÈ SA KA POTE POU OU
W ap jwenn konsolasyon lè yon moun pa w mouri. — 2 Korentyen 1:3, 4.
Ou pap pè lanmò ankò. — Ebre 2:15.
W ap gen bonjan espwa pou w rewè moun pa w ki mouri yo. — Jan 5:28, 29.
ÈSKE NOU KA KWÈ NAN SA BIB LA DI YO TOUTBONVRE?
Wi, pou omwen twa rezon:
-
Se Bondye ki bay lavi. Labib di Jewova Dye se “sous lavi a”. (Sòm 36:9; Travay 17:24, 25.) Se sèten Moun ki bay lavi a kapab rebay moun ki mouri yo lavi.
-
Bondye te leve moun mouri nan tan lontan. Labib pale de uit moun mouri ki te leve e ki te kontinye viv sou tè a. Pami yo, te gen timoun, granmoun, gason ak fi. Kèk nan yo pa t gen lontan depi yo mouri, men gen youn nan yo ki te gentan antere depi kat jou. — Jan 11:39-44.
-
Bondye vrèman anvi fè sa ankò. Jewova rayi lanmò. Pou li menm, lanmò se yon ènmi (1 Korentyen 15:26). Se pa ti anvi li anvi elimine ènmi sa a. L ap fè sa pa mwayen rezirèksyon an. Li vrèman anvi leve moun mouri ki nan memwa l yo pou l wè y ap viv ankò sou tè a. — Jòb 14:14, 15.
FÈ YON TI REFLECHI
Sa k fè moun vyeyi e sa k fè yo mouri?
Bib la reponn kesyon sa a nan JENÈZ 3:17-19 ak nan WOMEN 5:12.
Lòt sijè ki enteresan
ANSÈYMAN FONDAMANTAL KI NAN BIB LA
Nan ki kondisyon moun ki mouri yo ye?
Labib pwomèt gen yon lè anpil moun mouri pral resisite, menm jan ak Laza.
TOUDEGAD
Gen espwa pou moun ki mouri yo: Kòman nou fè sèten?
Labib bay de bonjan rezon ki fè nou kapab kwè nan rezirèksyon an.
ENFÒMASYON SOU NOU
Poukisa nou dwe etidye Labib?
Labib ap ede plizyè milyon moun toupatou sou tè a jwenn repons gwo kesyon yo. Èske w ta renmen youn nan moun sa yo?
