2YÈM PATI
Soti nan delij la pou rive nan liberasyon anba peyi Ejip
Se uit moun sèlman ki te chape anba delij la. Men tan ap pase, yo peple jiskaske yo rive anpil milye moun. Epi, 352 an apre delij la, Abraram te vin fèt. Nou aprann ki jan Bondye te kenbe pwomès li lè l te bay Abraram yon pitit gason yo te rele Izarak. Apre sa, nan de pitit gason Izarak yo, se Jakòb Bondye te chwazi.
Jakòb te gen anpil pitit : li te gen 12 pitit gason san konte pitit fi. Dis nan pitit gason Jakòb yo te rayi Jozèf, ti frè yo a, e yo te vann li pou l vin esklav ann Ejip. Apre sa, Jozèf te vin yon gwo chèf ann Ejip. Lè te vin gen yon gwo grangou, Jozèf te teste frè l yo pou l wè si kè yo chanje. Finalman, tout fanmi Jakòb, tout Izrayelit yo, te bwote al ann Ejip. Sa te pase 290 an apre Abraram te fin fèt.
Izrayelit yo te pase 215 an ankò ap viv ann Ejip. Apre Jozèf fin mouri, yo te fè yo tounen esklav. Apre kèk tan, Moyiz vin fèt. Bondye te sèvi avè l pou l delivre Izrayelit yo anba peyi Ejip. Antou, tout istwa ki nan DEZYÈM pati a te pran 857 ane.
NAN SEKSYON SA A
ISTWA 12
Lèzòm konstwi yon tou men wotè
Bondye pa t kontan, e pinisyon li te bay mesye sa yo gen efè sou nou jis jounen jodi a.
ISTWA 13
Abraram, zanmi Bondye
Poukisa Abraram te kite kay li ki te konfòtab pou l al pase vi l anba tant?
ISTWA 14
Bondye teste lafwa Abraram
Poukisa Bondye mande Abraram pou l sakrifye Izarak, pitit gason l lan?
ISTWA 16
Izarak jwenn yon bon madanm
Ki sa k te fè Rebeka te yon bon madam konsa? Èske se paske l te bèl oswa yon lòt bagay?
ISTWA 17
De jimo, de moun diferan
Izarak, papa yo, te pi renmen Ezayi, men Rebeka, manman yo, te pi renmen Jakòb.
ISTWA 22
Yo mete Jozèf nan prizon
Se pa paske l te dezobeyi yon lwa ki fè yo mete l nan prizon, yo mete l nan prizon paske l te fè sa ki byen.
ISTWA 24
Jozèf teste frè l yo
Ki jan l ap fè konnen si yo chanje depi apre yo te fin vann li kòm esklav la?
ISTWA 25
Fanmi an bwote al ann Ejip
Poukisa yo rele fanmi Jakòb yo Izrayelit, yo pa rele yo Jakobit?
ISTWA 26
Jòb fidèl anvè Bondye
Jòb pèdi byen l, sante l ak tout pitit li yo. Èske se pini Bondye ap pini l?
ISTWA 27
Yon move wa ap gouvène Ejip
Poukisa li te mande moun yo pou yo touye tibebe gason izrayelit yo?
ISTWA 28
Ti Moyiz manke mouri
Manman Moyiz jwenn yon fason pou l pa obeyi lwa ki mande pou yo touye tout tigason izrayelit yo.
ISTWA 29
Moyiz chape poul li
Moyiz te panse l te pare pou l sove izrayelit yo lè l te gen 40 an, men li potko pare.
ISTWA 30
Flanm dife nan yon touf raje
Bondye te sèvi ak yon seri mirak pou l fè Moyiz konnen lè a rive pou Moyiz fè izrayelit yo soti ann Ejip.
ISTWA 32
Dis flewo yo
Bondye voye dis flewo sou Ejip, tousa paske Farawon, dirijan ejipsyen an, refize kite Izrayelit yo ale.
ISTWA 33
Yo travèse lanmè Wouj la
Moyiz fann lanmè Wouj la an de grasa pisans Bondye e Izrayelit yo travèse sou tè sèk.
