7YÈM PATI
Kiyès Jezi te ye?
Jewova te voye Jezi sou tè a. 1 Jan 4:9
Si nou vle fè Jewova plezi, nou dwe koute yon lòt moun enpòtan. Byen lontan anvan Jewova te kreye Adan, li te kreye yon espri pisan nan syèl la.
Rive yon lè, Jewova te voye l vin sou tè a. Li te fèt Betleyèm pa mwayen Mari, ki te yon fi vyèj. Yo te rele l Jezi. — Jan 6:38.
Lè Jezi te yon moun sou tè a, li te montre li gen kalite Bondye genyen yo yon fason ki pafè. Li te janti, li te renmen moun, e moun pa t pè pwoche kote l. Li pa t pè aprann moun yo laverite sou Jewova.
Jezi te fè sa ki bon, men yo te rayi l. 1 Pyè 2:21-24
Chèf relijye yo te rayi Jezi paske li te denonse fo ansèyman yo t ap bay ak move fason yo t ap aji.
Jezi te geri moun malad e li te leve moun mouri.
Chèf relijye yo te pran tèt Women yo, yo te fè yo bat Jezi e yo te fè yo touye l.
