LESON 16
Se pou w ankourajan e se pou w pozitif
Jòb 16:5.
SA POU W FÈ: Ret konsantre sou bagay k ap amelyore yon sitiyasyon e k ap fè moun yo vin gen konfyans.
FASON POU W FÈ SA:
-
Chèche gen yon pwennvi pozitif sou moun k ap koute w yo. Se pou w gen konviksyon kwayan parèy ou yo vle fè Jewova plezi. Menmsi w dwe ba yo konsèy, anvan w fè sa, felisite yo ak tout kè w depi sa posib.
-
Pa pale twòp sou bagay negatif. Pale konsènan bagay negatif nan yon sijè sèlman si y ap itil. An jeneral, ou ta dwe gen yon ton pozitif pandan tout prezantasyon w lan.
-
Byen sèvi ak Pawòl Bondye a. Atire atansyon moun yo sou sa Jewova fè, sa l ap fè ak sa l pral fè pou lèzòm. Ankouraje moun k ap koute w yo epi fòtifye yo.
