LESON 75
Dyab la teste Jezi
Apre Jezi fin batize, lespri sen te mennen l nan dezè a. Li pa t manje anyen pandan 40 jou, li te vin grangou anpil. Epi, Dyab la te vin tante Jezi, li di l: ‘Si w se Pitit Bondye toutbon, di wòch sa yo pou yo tounen pen.’ Men, Jezi te sèvi ak Ekriti yo pou l reponn, li di l: ‘Ekriti yo fè konnen moun pa bezwen manje sèlman pou yo viv. Nou dwe koute kèlkeswa pawòl Jewova di.’
Apre sa, Dyab la bay Jezi defi, li di l: ‘Si w se Pitit Bondye toutbon, soti kote ki pi wo nan tanp lan epi lage kò w anba. Ekriti yo fè konnen Bondye ap voye zanj li vin pran w.’ Men, yon lòt fwa ankò, Jezi site Ekriti yo, li di: ‘Ekriti yo fè konnen ou pa dwe teste Jewova.’
Epi, Satan montre Jezi tout wayòm ki nan monn nan ansanm ak richès yo ak glwa yo, e li di l: ‘M ap ba w tout wayòm sa yo ak glwa yo si w adore m, li mèt se yon sèl fwa.’ Men, Jezi di l: ‘Al fè wout ou, Satan! Ekriti yo fè konnen se Jewova sèlman ou dwe adore.’
Lè sa a, Dyab la ale, epi, gen kèk zanj ki vin bay Jezi manje pou l manje. Depi lè sa a, Jezi te kòmanse preche bon nouvèl Wayòm nan. Se travay sa a Bondye te voye l fè sou tè a. Moun yo te renmen sa Jezi t ap anseye yo, e yo te suiv li tout kote l ale.
“Lè [Dyab la] ap bay manti, li pale dapre pwòp panchan pa l, paske li se yon mantè e li se papa manti.” — Jan 8:44.
Lòt sijè ki enteresan
JEZI SE CHEMEN AN, VERITE A, LAVI A
Sa n aprann nan fason Jezi te fè fas ak tantasyon
Tantasyon Jezi te jwenn yo montre de bagay enpòtan konsènan Dyab la.
KOUTE GRAN ANSEYAN AN
Nou dwe reziste devan tantasyon
Ki sa w dwe fè si yon moun mande w fè yon bagay ki pa bon?
ANN FOUYE NAN BIB LA
Fason pou nou reziste devan tantasyon
Ki sa k te ede Jozèf reziste devan tantasyon l te jwenn pou l kouche ak madan Potifa?
