Lè w gen yon zanmi ou apresye e ou respekte, ou fè efò pou w sanble avè l. Bib la di: “Jewova bon e li dwat.” ​(Sòm 25:8). Pou nou ka zanmi Bondye, nou dwe bon moun, nou dwe moun ki dwat. Bib la di: “Se pou nou imite Bondye, antanke pitit li renmen, e se pou nou kontinye mache nan lanmou.” ​(Efezyen 5:1, 2). Men kèk fason nou ka fè sa:

Rann moun sèvis. “Annou fè byen ak tout moun.” — Galat 6:10.

Travay di. “Se pou moun k ap vòlè a sispann vòlè, men se pou l travay di pito, pou l fè bon travay ak men l.” — Efezyen 4:28.

Rete pwòp fizikman epi rete pwòp moralman. “Annou pirifye tèt nou anba tout sa ki ka sal kò a ak lespri a, e n ap vin sen nèt nan lakrentif pou Bondye.” — 2 Korentyen 7:1.

 Trete manm fanmi w avèk lanmou ak respè. “Nou chak dwe renmen madanm nou menm jan nou renmen tèt nou. Madanm nan, bò kote pa l, dwe gen yon gwo respè pou mari l. Nou menm timoun, se pou nou obeyi paran nou.” — Efezyen 5:33–6:1.

Montre w gen lanmou pou lòt moun. “Annou kontinye gen lanmou youn pou lòt, paske se nan Bondye lanmou soti.” — 1 Jan 4:7.

Obeyi lwa peyi a. “Se pou tout moun soumèt devan [gouvènman yo] [...]. Se pou nou bay tout moun sa nou dwe ba yo: yon moun ki egzije enpo, ba li enpo.” — Women 13:1, 7.