Satan vle w fè maji. Anpil moun fè sakrifis bay zansèt yo oswa bay lwa yo, pou yo jwenn pwoteksyon kont malè ki ka rive yo. Yo fè sa paske yo pè fòs ki nan monn kote lwa yo ye a. Gen moun ki pote bag oswa braslè ki monte. Yo konn bwè swadizan remèd oswa yo konn pran beny ak “remèd” sa yo, paske yo sipoze wanga sa yo gen pouvwa. Gen moun ki sere kèk bagay lakay yo oswa anba tè, paske yo kwè bagay sa yo ka pwoteje yo. Gen lòt ki sèvi ak swadizan remèd monte, paske yo panse sa ap fè biznis yo byen mache, sa ap fè yo pase nan egzamen lekòl oswa sa ap fè yo bon nan yon moun yo renmen.

Pi gwo pwoteksyon w ka jwenn kont Satan, se lè w zanmi Jewova. Jewova Dye ak zanj li yo gen plis pisans lontan pase Satan ak demon l yo (Jak 2:19; Revelasyon 12:9). Jewova tou pare pou l montre li gen fòs pou l ede zanmi l yo, sila yo ki fidèl avèk li toutbonvre. — 2 Kwonik 16:9.

Pawòl Bondye a di: ‘Nou pa dwe fè maji.’ Jewova kondane moun k ap fè maji ak moun k ap fè metye sòsye, paske pratik sa yo fè moun vin dirèk dirèk anba pouvwa Satan Ledyab. — Levitik 19:26.