Satan ap tante moun pou yo fè sa ki mal. Yon moun ki vle vin zanmi Bondye dwe rayi sa Jewova rayi (Sòm 97:10). Men kèk nan bagay zanmi Bondye yo pap fè:

Peche ki gen rapò ak sèks. “Nou pa dwe fè adiltè.” ​(Egzòd 20:14). Epitou, fè sèks anvan maryaj, se yon bagay ki mal. — 1 Korentyen 6:18.

Plede bwè bweson. “Moun ki bwasonyè [...] pap benefisye Wayòm Bondye a.” — 1 Korentyen 6:10.

Touye moun, fè avòtman. “Nou pa dwe asasinen moun.” — Egzòd 20:13.

Vòlè. “Nou pa dwe vòlè.” — Egzòd 20:15.

Bay manti. Jewova rayi “lang moun k ap bay manti”. — Pwovèb 6:17.

 Vyolans ak kòlè san kontwòl. “[Jewova] rayi nenpòt moun ki renmen vyolans.” ​(Sòm 11:5). “Zèv lachè yo [gen ladan l] kòlè san kontwòl.” — Galat 5:19, 20.

Jwèt aza. “Sispann frekante nenpòt moun [...] ki ava.” — 1 Korentyen 5:11.

Lahèn moun gen akoz ras yon moun oswa kilti l. “Kontinye renmen ènmi nou e kontinye priye pou moun k ap pèsekite nou.” — Matye 5:43, 44.

Bondye pale nou pou byen nou. Li pa toujou fasil pou n evite fè sa ki mal. Men, avèk èd Jewova ansanm ak èd Temwen li yo, nou ka evite fè bagay Bondye rayi. — Ezayi 48:17; Filipyen 4:13; Ebre 10:24, 25.