Yon jou, yon sè nan peyi Nouvèl Zelann te gade videyo ki gen tit “Gen sousi youn pou lòt” la ki montre nonsèlman Jewova gen konpasyon pou moun, men, li montre sa tou (Eza. 63:​7-9). Sè a te deside aplike sa l te aprann nan videyo a lè l te chèche okazyon pou l ede lòt moun. Pi ta nan jounen an, pandan l t ap achte kèk pwovizyon, li te rankontre yon dam ki pa t gen kote pou l rete e li te ofri l pou l achte yon manje pou li. Dam nan te dakò. Lè sè a te pot manje a pou dam nan, li te tou pwofite sèvi ak feyè Èske soufrans ap janm fini? an pou l te fè yon ti pale tou kout sou Bib la avè l.

Dam nan te tonbe kriye. Li te di sè a li te leve nan laverite, men, li pa t fè okenn pwogrè. Men, pa gen lontan depi l ap priye Jewova pou L ede l retounen vin jwenn li. Sè a te ba l yon Bib e li te pran dispozisyon pou l kòmanse yon etid avè l. a

Nou kapab suiv egzanp Jewova anrapò ak demontre konpasyon pou moun, san wete moun nan fanmi nou ak frè n ak sè n yo nan kongregasyon an. E nou kapab demontre konpasyon lè n chèche okazyon pou n bay lòt moun temwayaj.