Nou adore Jewova lè nou reyini ansanm nan reyinyon, nan asanble ak nan kongrè, men tou, nou ka fè sa poukont nou e ansanm ak fanmi nou. Men kèk ide sou sa w ka egzamine nan etid pèsonèl ou ak nan adorasyon an fanmi:

• Prepare reyinyon yo. Ou ka aprann chante yo tou lè w ap fè sa, epi ede tout moun nan fanmi an prepare yon kòmantè.

• Li yon istwa nan Bib la. Apre sa, fè desen yon evènman yo te rapòte nan istwa a oswa ekri yon bagay ou te aprann.

• Egzamine yon priyè w jwenn nan Bib la, epi reflechi pou w wè ki jan l ka ede w amelyore priyè w.

• Gade yon videyo òganizasyon an fè, epi pale sou sa ak lòt moun oswa ekri yon bagay ou te aprann ladan l.

• Prepare pou travay predikasyon an, petèt ou ka fè yon demonstrasyon sou sa.

• Egzamine kreyasyon an, epi medite sou sa l aprann ou sou Jewova oswa pale sou sa ak lòt moun. a