FASON POU NOU KASE CHENN LAHÈN NAN
1 | Nou pa dwe gen patipri
Sa Bib la anseye:
“Bondye pa gen patipri. Nan tout nasyon, [nenpòt moun] ki gen lakrentif pou li e k ap pratike sa ki jis, moun sa a fè l plezi.” — TRAVAY 10:34, 35.
Sa sa vle di:
Jewova * Dye pa jije nou selon nasyonalite nou, ras nou, koulè po nou oswa kilti nou. Olye de sa, li konsantre sou sa k vrèman enpòtan an, moun nou ye pa anndan an. Vrèmanvre, men sa Bib la di tou: “Lòm wè sa je l ba li, men Jewova li menm, li wè sa k nan kè yon moun.” — 1 Samyèl 16:7.
Sa w ka fè:
Byenke nou pa ka li nan kè moun, nou ka eseye imite Bondye e demontre nou pa gen patipri nan fason nou wè lòt moun. Fè gwo efò pou w wè chak moun apa olye w wè yo antanke gwoup. Si w santi w gen santiman negatif anvè lòt moun, petèt moun ki nan yon lòt ras oswa lòt nasyonalite, priye Bondye epi mande l pou l ede w derasinen santiman sa yo (Sòm 139:23, 24). Si avèk senserite ou mande Jewova pou l ba w fòs pou w pa gen patipri, ou mèt sèten l ap tande priyè w e l ap ede w. — 1 Pyè 3:12.
“Anvan sa, mwen pa t janm chita ak yon blan pou nou pale nan lapè [...]. Kounye a, mwen te vin fè pati yon vrè fanmi entènasyonal.” — TITUS
Lòt sijè ki enteresan
TOUDEGAD
Jewova “pa gen patipri”
Jewova tande priyè sèvitè l yo e li reponn yo kèlkeswa nasyonalite yo, ras yo oswa mwayen yo genyen. Kòman nou fè konn sa?
