Sa gen anviwon 3 500 ane, Jewova Dye te di moun ki t ap adore l yo sa yo dwe fè pou yo gen yon avni ki sèten: “Mwen mete lavi ak lanmò devan nou e mwen mete benediksyon ak malediksyon devan nou. Nou dwe chwazi lavi pou nou kapab rete an vi, ni nou menm, ni desandan nou yo.” — Detewonòm 30:19.

Pou yo te ka gen yon bèl avni, moun sa yo te dwe fè bon chwa a. Jodi a, nou gen menm posiblite a. Bib la montre ki jan nou ka chwazi yon avni ki sèten: “Lè nou renmen Jewova, Bondye nou an, lè nou koute sa l di.” — Detewonòm 30:20.

APRANN NAN BIB LA: Pou w renmen Jewova, toudabò w ap bezwen aprann konnen l grasa Bib la. Pandan w ap fè sa, ou pral wè jan li se yon Bondye ki gen lanmou e ki vle sa ki pi bon an pou ou. Li envite w priye l “paske li gen sousi pou [ou].” (1 Pyè 5:7). Bib la pwomèt si w fè efò pou w pwoche bò kote l, li menm tou “l ap pwoche bò kote [w].” — Jak 4:8.

APLIKE SA W APRANN YO: Pou w koute Bondye, sa mande pou w suiv direksyon saj li bay pa mwayen Bib la. Pandan w ap fè sa, “tout sa w ap fè ap reyisi e w ap aji avèk sajès.” — Jozye 1:8.