Ann sèvi Bondye ak “ yon sèl kè, yon sèl nanm ”

JUIF kou pwozelit te rasanble toutotou disip Jezi Kris yo nan fèt Pannkòt la, e moun sa yo ki te vin Jerizalèm yo te soti byen lwen. Genyen nan yo ki te soti Wòm ki alwès e gen lòt ki te soti Pati ki alès. Nan mitan foul la, moun te ka tande divès lang. Poutan, disip Jezi yo ki t ap pale ak moun yo se te Galileyen. Te gen kèk nan moun yo ki te sezi e ki t ap mande : “ Ki jan nou fè tande y’ap pale nan lang peyi nou ? ” — Tra. 2:8.

Apot Pyè te kanpe e li te esplike yo sa k fè mirak ki t ap fèt devan yo a te ka fèt. Moun ki nan foul la te reyaji tousuit. Plizyè milye  nan yo te batize (Tra. 2:41). Kwak kongregasyon an t ap grandi byen vit, li te rete ini. Lik, yon ekriven biblik, di : “ Foul moun ki te kwè yo te fè yon sèl kè, yon sèl nanm. ” — Tra. 4:32, Bib Kreyòl La : Nouvo Testaman.

Gen plizyè milye moun ki te batize nan jou Pannkòt ane 33 a ki te vle rete Jerizalèm pou yon ti tan, yon fason pou yo te ka aprann plis bagay toujou konsènan nouvo lafwa yo te genyen an. Men, kòm yo pa t prevwa yo t ap rete pou anpil tan, yo pa t prepare pou sa. Se sa k fè, pandan yon tan, yo te met kòb yo ansanm. Gen kèk kwayan ki te vann byen yo volontèman e ki te pote kòb la bay apot yo pou yo separe l bay moun ki te nan nesesite yo (Tra. 2:42-47). Ala yon bèl fason yo te demontre yo gen lanmou e yo donan !

Vrè kretyen yo toujou gen etadespri sa a ki demontre yo gen lanmou e yo donan. Jodi a, kongregasyon kretyen an kontinye sèvi Jewova nan inite avèk “ yon sèl kè, yon sèl nanm ”. San grate tèt, chak kretyen bay tan yo, enèji yo ak sa yo posede pou yo preche bon nouvèl la e pou yo fè enterè Wayòm nan avanse. — Gade kare  “ Fason kèk moun chwazi bay ”.

[Kare nan paj 6, 7]

 FASON KÈK MOUN CHWAZI BAY

OFRANN POU TRAVAY MONDYAL LA

Gen anpil moun ki met kòb apa pou yo mete nan bwat ofrann ki make “ Travay mondyal ” sou yo.

Chak mwa, kongregasyon yo voye kòb sa a nan biwo filyal Temwen Jewova k ap sipèvize travay predikasyon an nan peyi pa yo a. Nou kapab voye ofrann kòb nou genyen dirèkteman nan adrès sa a tou : Watch Tower Bible and Tract Society of New York, inc., Attention Treasurer’s Office, 25 Columbia Heights, Brooklyn, New York 11201-2483, oswa nan biwo filyal Temwen Jewova k ap sipèvize travay predikasyon an nan peyi nou. Si gen chèk nou vle voye nan adrès ki pi wo a, ekri “ Watch Tower ” sou li. Nou kapab fè ofran bijou ak lòt bagay ankò ki gen valè. Lè n ap fè ofrann sa yo, nou dwe akonpaye yo ak yon lèt ki di ofrann sa yo se kado nou fè òganizasyon an san kondisyon.

ARANJMAN POU OFRANN AVÈK KONDISYON

Nou kapab bay Watch Tower Bible and Tract Society of Pennsylvania kenbe lajan pou nou e pou li itilize l nan travay mondyal la. Sepandan, lè nou mande l lajan sa a, l ap remèt nou li. Pou plis enfòmasyon, silvouplè, kontakte Treasurer’s Office. Ekri l nan adrès ki pi wo a oubyen telefone l nan (718) 560-7500.

PLANIFIKASYON POU NOU FÈ OFRANN

Anplis lajan nou kapab bay, gen lòt fason ankò nou kapab fè ofrann k ap pèmèt travay Wayòm nan k ap fèt sou tè a kontinye avanse. Men yo :

Asirans : Watch Tower Bible and Tract Society of Pennsylvania kapab benefisye yon asirans vi oswa yon pansyon.

Kont an bank : Yon moun ki gen yon kont an bank, yon depo a tèm oswa yon kont retrèt kapab fè aranjman pou Watch Tower Bible and Tract Society of Pennsylvania resevwa kòb sa a lè l mouri, selon sa bank kote moun nan gen kòb la egzije.

Aksyon ak bon : Nou kapab fè Watch Tower Bible and Tract Society of Pennsylvania kado aksyon ak bon.

Byen imobilye : Si nou gen byen imobilye, tè oswa kay, nou kapab vann, nou kapab fè òganizasyon an kado l. Si se yon mezon rezidansyèl, nou kapab fè òganizasyon an kado l pandan nou kontinye rete ladan l pandan tout vi nou. Si nou bezwen gen plis enfòmasyon, kontakte filyal ki responsab peyi nou an anvan nou fè òganizasyon an kado yon pwopriyete.

Anuite : Yon moun kapab transfere lajan li genyen sou non youn nan asosyasyon Temwen Jewova yo itilize yo. Li kapab fè sa tou pou pyès li genyen ki montre li gen lajan an depo nan yon òganizasyon. Anretou, moun ki fè don an oswa yon lòt moun li chwazi ap resevwa yon montan byen presi chak ane pandan tout vi l. Nan ane moun nan fè aranjman sa a, li posib pou yo diminye enpò li peye sou revni l.

Testaman ak lajan oswa byen yon moun genyen li bay lòt moun jere pou li : Yon moun kapab fè yon testaman legal yon fason pou lè l mouri Watch Tower Bible and Tract Society of Pennsylvania kapab resevwa byen oswa lajan. Si li gen lajan oswa byen lòt moun (yon bank oswa yon lòt oganizasyon) ap jere pou li, li gendwa fè aranjman pou Watch Tower Bible and Tract Society of Pennsylvania resevwa lajan sa a oswa byen sa a lè l mouri. Pou dènye aranjman nou sot site a, lè nou bay yon òganizasyon relijye jere lajan oswa byen nou pou nou, nou kapab gen kèk avantaj nan domèn taks.

Tankou ekspresyon “ planifikasyon pou fè ofrann ” nan montre sa, lè yon moun ap fè ofrann fason sa yo, li oblije planifye pou sa. Pou moun ki ta renmen fè ofrann nan fason sa yo pou ede Temwen Jewova yo nan travay mondyal la, gen yon ti liv ki disponib ann anglè ak ann espayòl pou ede yo. Men tit li ann anglè : Charitable Planning to Benefit Kingdom Service Worldwide. Yo te ekri ti liv sa a nan objektif pou bay enfòmasyon sou diferan fason yon moun kapab bay òganizasyon an ofrann kounye a ak sou fason li kapab planifye pou sa anka li ta mouri. Gen anpil moun ki vin ap ede òganizasyon an nan travay predikasyon an ak nan travay imanitè l ap fè sou tout tè a apre yo fin li ti liv sa a e yo pale ak moun yo genyen k ap konseye yo anrapò ak lalwa e k ap konseye sou kesyon taks, e sa ede yo jwenn anpil avantaj nan domèn taks. Pou nou jwenn ti liv sa a, nou kapab kontakte biwo yo rele Charitable Planning Office.

Si nou vle jwenn plis enfòmasyon, nou kapab ekri biwo yo rele Charitable Planning Office la nan adrès ki pi ba a oswa nou kapab kontakte l nan telefòn oswa tou nou kapab kontakte biwo filyal k ap sipèvize travay predikasyon an nan peyi nou.

Charitable planning office

Watch Tower Bible and Tract Society of Pennsylvania

100 Watchtower Drive

Patterson, New York 12563-9204

Telefòn : (845) 306-0707