Repons Bib la bay
Ki kalite moun Bondye ye?
Bondye se yon espri, moun pa kapab wè li. Se li ki kreye syèl la, tè a ak tout bagay ki gen lavi nan yo. Pa gen moun ki kreye Bondye. Li pa gen kòmansman (Sòm 90:2). Bondye vle pou lèzòm chèche l e pou yo konnen laverite sou li. — Li Travay 17:24-27.
Nou ka konnen non Bondye. Nou ka wè kèk bèl kalite li genyen lè nou admire bèl bagay li fè yo (Women 1:20). Men, pou nou byen konnen Bondye nou dwe etidye Pawòl li a, Labib. L ap ede nou byen konnen ki kalite moun Bondye ye e jan li renmen nou. — Li Sòm 103:7-10.
Ki jan Bondye santi l devan enjistis?
Jewova, Kreyatè nou an, rayi enjistis. Li kreye lèzòm pòtre ak li (Detewonòm 25:16). Se sa k fè pifò nan nou rayi enjistis. Se pa Bondye ki fè gen enjistis sou tè a. Bondye kreye lèzòm ak libète pou yo deside. Malerezman, gen anpil moun ki mal sèvi ak libète sa a Bondye ba yo a, e yo fè lòt moun enjistis. Sa fè kè Jewova sere e li gen lapenn. — Li Jenèz 6:5, 6; Detewonòm 32:4, 5.
Jewova renmen jistis e li pap tolere enjistis pou toutan (Sòm 37:28, 29). Bib la fè nou pwomès talè konsa Bondye pral mete fen nan tout enjistis. — Li 2 Pyè 3:7-9, 13.
Bib la fè nou pwomès talè konsa Bondye pral bay tout moun jistis.
Lòt sijè ki enteresan
REPONS BIB LA BAY
Èske Bondye gen yon non?
W ap jwenn non pèsonèl Bondye nan anpil tradiksyon Labib. Èske ou dwe sèvi avè l?
TOUDEGAD
Èske nou ka jwenn Bondye vre?
Bagay nou pa konprann sou Bondye yo ka vrèman ede nou konnen Bondye pi byen.
ANSÈYMAN FONDAMANTAL KI NAN BIB LA
Poukisa Bondye pèmèt soufrans?
Anpil moun ap mande poukisa monn nan chaje ak lahèn ak soufrans konsa. Bib la bay yon repons ki bay satisfaksyon e ki konsole moun.
