Repons Bib la bay
Kiyès k ap dirije monn nan vre?
Si se Bondye ki t ap dirije monn nan, èske t ap gen tout soufrans sa yo?
Gen anpil moun ki kwè se vrè Dye a k ap dirije monn nan. Men, si sa yo panse a ta vre, èske tè a t ap chaje ak soufrans konsa (Detewonòm 32:4, 5)? Dapre Bib la, monn nan anba pouvwa yon mechan. — Li 1 Jan 5:19.
Ki jan yon mechan fè rive pran kontwòl limanite? Nan kòmansman listwa lèzòm, gen yon zanj ki te rebele kont Bondye e l te pouse de premye mesyedam yo rebele tou (Jenèz 3:1-6). Mesyedam yo te chwazi obeyi Satan, zanj rebèl la, konsa yo te fè l vin dirijan yo. Se Bondye Toupisan an sèlman ki gen dwa dirije limanite, men li vle se lèzòm ki pou chwazi dominasyon pa l la paske yo renmen l (Detewonòm 6:6; 30:16, 19). Malerezman, Satan twonpe pifò moun, li fè yo fè menm move chwa ak de premye mesyedam yo. — Li Revelasyon 12:9.
Kiyès k ap rezoud pwoblèm lèzòm yo?
Èske Bondye ap kite Satan kontinye dominasyon l lan ki chaje ak mechanste? Non! Bondye ap sèvi ak Jezi pou l repare tout bagay mal Satan fè yo. — Li 1 Jan 3:8.
Grasa pisans Bondye, Jezi pral detwi Satan (Women 16:20). Apre sa, Bondye ap dirije lèzòm epi l ap fè yo viv nan lapè ak kè kontan jan li te vle yo viv okòmansman an. — Li Revelasyon 21:3-5.
Lòt sijè ki enteresan
REPONS BIB LA BAY
Èske se Bondye ki responsab soufrans nou?
Nenpòt moun ka soufri, menm moun ki gen favè Bondye yo. Sa k fè sa?
TOUDEGAD
Poukisa pa gen lapè nan monn nan?
Malgre bonjan efò anpil moun fè, lèzòm pa rive mete lapè nan monn nan. Aprann rezon ki fè sa.
REPONS BIB LA BAY
Kòman ap fè gen lapè sou tè a?
Aprann kòman pwomès Bondye fè pou l pote lapè nan monn nan pral akonpli pa mwayen Wayòm li an.
