Repons Bib la bay
Ki sa lavni rezève pou limanite?
Nan ki sans lanmò Jezi fè l posib pou gen yon sosyete kote moun gen sousi youn pou lòt?
Pa gen dout, lèzòm ap kontinye fè pwogrè nan domèn syantifik. Men, èske y ap rive fè yon sosyete kote moun vrèman gen sousi youn pou lòt? Non. Jodi a, se egoyis ak avidite k ap domine nan monn nan. Sepandan, Bondye prevwa yon bagay ki pi bon pou fanmi ki sou tè a. — Li 2 Pyè 3:13.
Pawòl Bondye a dekri yon monn kote moun pral renmen youn lòt. Moun pral viv an sekirite e pap gen okenn moun k ap fè yo soufri. — Li Mika 4:3, 4.
Ki fason Bondye pral elimine egoyis?
Lè Bondye te kreye lèzòm, li pa t fè yo ak okenn tandans egoyis. Men lè premye gason an te chwazi dezobeyi Bondye, li te pèdi pèfeksyon li te genyen an. Nou eritye tandans egoyis la nan li. Men, Bondye pral sèvi ak Jezi pou l fè lèzòm vin pafè ankò. — Li Women 7:21, 24, 25.
Ann amoni ak volonte Bondye, Jezi te mouri kòm yon sakrifis pou l te ka anile efè dezobeyisans premye moun nan te genyen (Women 5:19). Konsa, Jezi fè l vin posib pou lèzòm gen yon bèl avni lè yo pral libere anba tandans egoyis yo genyen pou yo fè sa ki mal. — Li Sòm 37:9-11.
Lòt sijè ki enteresan
TOUDEGAD
Kèk pwomès ki pral reyalize
Gen anpil pwofesi nan Bib la ki deja reyalize, men gen anpil lòt ki gen pou reyalize alavni.
TOUDEGAD
Bondye pa lwen mete fen nan soufrans
Ki jan nou ka konnen Bondye pa lwen mete nan fen nan tout soufrans ak enjistis?
