SIJÈ KI SOU PAJ KOUVÈTI A | KIYÈS TEMWEN JEWOVA YO YE?
Poukisa nou preche?
Gwo travay predikasyon n ap fè a se petèt sa ki fè nou plis diferan parapò ak lòt moun. Nou fè travay sa a kay an kay ak lòt kote ankò, kèlkeswa kote nou jwenn moun. Men, poukisa nou preche?
Nou preche pou nou bay Bondye glwa e pou nou fè konnen non l (Ebre 13:15). Anplis de sa, nou vle obeyi lòd Jezi Kris te bay lè l te di: “Ale, epi fè disip pami moun tout nasyon. [...] Anseye yo pou yo obsève tout bagay mwen te ban nou lòd pou nou fè yo.” — Matye 28:19, 20.
Yon lòt rezon ki fè nou preche se lanmou nou genyen pou pwochen nou (Matye 22:39). Nòmalman, nou konnen pifò moun yo gen pwòp kwayans yo e se pa tout moun ki enterese nan mesaj nou an. Men, nou kwè mesaj ki nan Bib la se yon mesaj ki ka sove lavi moun. Se sa k fè nou kontinye ‘anseye san rete e nou kontinye anonse bon nouvèl konsènan Kris la’, menm jan kretyen yo te konn fè sa nan premye syèk la. — Travay 5:41, 42.
Antonio Cova Maduro, yon sosyològ, te ekri konsènan “fason Temwen Jewova yo fè efò, fason yo bay tout yo menm jis nan pwen yo fatige [...], pou yo fè tèks sakre yo rive nan dènye bout tè a.” — Yon jounal ki rele El Universal, Venezyela.
Pifò moun k ap li piblikasyon nou yo pa Temwen Jewova. E gen plizyè milyon moun k ap etidye Labib ak nou ki nan lòt relijyon. Poutan, yo byen kontan dèske Temwen Jewova yo pase vizite yo.
Men, si w gen lòt kesyon konsènan Temwen Jewova yo, ou kapab jwenn repons yo
-
lè w poze yon Temwen Jewova kesyon.
-
lè w vizite sit nou an: www.pr418.com/ht.
-
lè w asiste reyinyon nou yo. Yo gratis e nenpòt moun kapab vini.
Lòt sijè ki enteresan
KESYON MOUN POZE SOUVAN
Èske Temwen Jewova yo kwè se yo menm sèl k ap sove?
Bib la di ki moun ki gen posiblite pou yo sove.
KESYON MOUN POZE SOUVAN
Èske nan relijyon Temwen Jewova yo fi yo preche?
Ki wòl fi yo jwe nan travay predikasyon Temwen Jewova yo ap fè sou tout tè a?
KESYON MOUN POZE SOUVAN
Èske Temwen Jewova yo tolere lòt relijyon?
Aprann ki jan tolerans pèmèt nou konnen kiyès ki vrè kretyen yo.
