Gen plizyè santèn liv, bwochi, feyè ak videyo ou ka li oswa gade sou JW Library menmsi w pa konekte sou Entènèt.

Suiv enstriksyon ki vin apre yo pou w ka telechaje epi jere piblikasyon yo:

•  Telechaje yon piblikasyon

•  Efase yon piblikasyon

•  Jwenn dènye mizajou pou yon piblikasyon

Ou ka telechaje valè piblikasyon w vle pou w li oubyen pou w etidye. Ou ka li yo oubyen etidye yo menmsi w pa konekte sou Entènèt.

• Ale nan meni an epi chwazi Piblikasyon pou w ka wè lis tout piblikasyon yo.

• Chwazi opsyon Lang nan pou w ka wè lis tout lang ki gen piblikasyon ki disponib. Chwazi lang ou vle a. Lang ou plis itilize yo ap parèt pa anlè nan lis lang lan. Oubyen tou, ou ka tape non lang ou bezwen an pou w ka jwenn yon lang ki nan lis la.

Gen plizyè fason ou ka jwenn yon piblikasyon nan JW Library.

Seksyon ki rele Selon kategori a pèmèt ou wè piblikasyon ki nan lang ou chwazi a. Yo gwoupe tout piblikasyon ki nan menm kategori yo, tankou Liv, Feyè ak Videyo. Lè w chwazi youn nan kategori yo, l ap ba ou lòt opsyon anplis. Pa egzanp, si w chwazi Toudegad, w ap wè yo ranje yo pa ane, si se Videyo ou chwazi, w ap wè plizyè kategori videyo ki genyen. Pou w retounen nan kòmansman lis la, chwazi Tout kategori.

Seksyon Fèk ajoute a montre ki piblikasyon ki fèk parèt nan lang ou chwazi a.

Seksyon Sa m telechaje a ap montre w tout piblikasyon ou te deja telechaje yo nan kèlkeswa lang nan. Ou ka chwazi ranje seksyon sa a nan lòd Sa k plis itilize, Sa k pa itilize souvan oubyen ou ka ranje l selon Gwosè fichye yo.

 Ou ka efase yon piblikasyon si w bezwen jwenn plis espas oubyen si w pap itilize l ankò.

Ale nan meni prensipal la, chwazi Piblikasyon, apre sa chwazi yon piblikasyon (pa egzanp Liv) pou w ka wè lis piblikasyon yo. Pandan w sou yon piblikasyon ou vle efase, chwazi opsyon Plis la epi chwazi Efase.

Si w bezwen plis espas, ou ka efase piblikasyon ou pa itilize souvan yo oubyen sa ki pran anpil espas yo. Ale nan Sa m telechaje epi fè yo parèt selon Sa k pa itilize souvan oubyen selon Gwosè fichye yo. Efase piblikasyon ou pa bezwen ankò yo.

 Detanzantan, ou ka jwenn mizajou pou yon piblikasyon ou te telechaje.

Si w bezwen konnen si gen mizajou pou nenpòt nan piblikasyon ou te telechaje yo, ale nan meni an epi chwazi Piblikasyon. Si gen mizajou ki disponib, gen yon seksyon k ap parèt ki rele Mizajou ki poko fèt. Chwazi l pou w ka wè tout mizajou ou poko fè yo. Chwazi yon piblikasyon pou w ka fè yon mizajou pou piblikasyon sa a oubyen chwazi Fè mizajou pou yo tout.