Youn nan prensipal opsyon JW Library genyen se posiblite pou nou li epi etidye Labib.

Suiv enstriksyon ki vin apre yo pou w ka telechaje epi jere tradiksyon Labib yo:

•  Telechaje yon tradiksyon Labib

•  Efase yon tradiksyon Labib

•  Jwenn mizajou pou yon tradiksyon Labib

Ou ka telechaje plizyè tradiksyon Labib. Ou ka itilize yo pou w li epi etidye menmsi ou pa konekte sou Entènèt.

• Ale nan meni prensipal la epi chwazi Bib pou w wè lis tout liv ki nan Bib la.

• Chwazi Lang pou w wè lis tout tradiksyon Labib ki disponib yo. Tradiksyon Labib ou plis itilize yo parèt an premye nan lis la. Ou ka chèche tradiksyon w vle a tou lè w mete non tradiksyon an oswa lang lan. Pa egzanp ou ka tape “int” pou w jwenn tradiksyon Kingdom Interlinear la ann anglè oubyen ou ka tape “port” pou w jwenn tout tradiksyon Labib ki nan lang pòtigè.

• Tout tradiksyon Labib ou poko telechaje yo gen ti desen nyaj la bò kote yo. Chwazi yon tradiksyon Labib pou w ka telechaje l. Kou w fin telechaje l ou pap wè ti desen nyaj la ankò. Chwazi tradiksyon Labib la ankò pou w li l.

Si w pa ta jwenn tradiksyon Labib w ap chèche a, ou ka chèche l yon lòt fwa. Gen tradiksyon Labib yo ajoute nan lis la kou yo disponib.

Ou ka efase yon tradiksyon Labib si w pa bezwen l ankò oubyen si w vle gen plis espas.

Ale nan meni prensipal la, chwazi Bib epi chwazi Lang pou w wè lis tout tradiksyon Labib ki disponib yo. Chwazi opsyon Plis la ki toupre tradiksyon Labib ou vle efase a, epi chwazi Efase.

Detanzantan, ou ka jwenn mizajou pou yon tradiksyon Labib ou te telechaje.