Gen kèk opsyon nan JW Library ki la pou ede w lè w ap sèvi ak aplikasyon an pou w fè lekti. W ap jwenn opsyon sa yo nan meni prensipal la, y ap parèt pa anlè ekran an lè w ap li yon chapit oswa yon atik.

Suiv enstriksyon ki vin apre yo pou w ka byen sèvi ak JW Library pou w fè lekti:

•  Chanje lang

•  Chanje Paramèt pou tèks la

•  Gade l sou fòm imaj oswa sou fòm tèks

•  Ouvri l nan...

•  Chwazi tradiksyon Labib ou vle ki pou parèt

Ou gen posiblite pou w chanje lang chapit oswa atik w ap li a.

• Chwazi opsyon Lang pou w wè nan ki lang sa w ap li a disponib. Lang ou plis itilize yo ap anlè nan lis la. Toudegad vèsyon senplifye a ap parèt la tou. Ou ka chèche lang ou vle a lè w ekri non lang sa a.

• Si w potko telechaje piblikasyon w ap li a nan yon lang, ap gen yon ti desen nyaj k ap parèt bò kot lang lan. Chwazi lang ou vle a pou w telechaje piblikasyon an. Yonfwa ou fin telechaje l nan lang ou vle a, ou pap wè ti desen nyaj la ankò. Chwazi lang sa a ankò pou w ka li piblikasyon an.

Ou gen posiblite pou w ranje gwosè w vle tèks la parèt nan ekran an pou w ka pi alèz pou w li l.

Gen kèk atik ou ka wè sou fòm imaj oswa sou fòm tèks. Chwazi opsyon ki pèmèt ou chanje fòm tèks la ap parèt la.

• Gade l sou fòm imaj: Si w fè l parèt sou fòm imaj, l ap parèt menm jan ak piblikasyon ki enprime a. Gen moun ki prefere fè kèk piblikasyon, tankou liv kantik la, parèt konsa e sa pèmèt yo wè nòt mizik yo.

• Gade l sou fòm tèks: Si w fè l parèt sou fòm tèks, vèsè yo site yo ap parèt tankou yon lyen w ap ka chwazi, e w ap gen posiblite pou w chanje gwosè tèks la tou.

Opsyon Ouvri l nan... an ba w posiblite pou w ouvè sa ki nan JW Library yo nan lòt aplikasyon.

Lè w chwazi vèsè yo site nan yon piblikasyon, w ap wè vèsè sa yo parèt. Chwazi opsyon Ranje l jan m vle a ki parèt anba vèsè yo pou w ka chwazi ki tradiksyon Labib nan sa ou te deja telechaje yo ou vle ki pou parèt nan lis la.

Gade “Telechaje epi jere tradiksyon Labib yo sou iOS” pou w aprann kòman w kapab gen lòt tradiksyon Labib nan JW Library.