Youn nan prensipal opsyon JW Library genyen se posiblite pou nou li epi etidye Labib.

Suiv enstriksyon ki vin apre yo pou w ka telechaje epi jere tradiksyon Labib yo:

•  Telechaje yon tradiksyon Labib

•  Efase yon tradiksyon Labib

•  Jwenn mizajou pou yon tradiksyon Labib

Ou ka telechaje plizyè tradiksyon Labib. Ou ka itilize yo pou w li epi etidye menmsi ou pa konekte sou Entènèt.

• Ale nan meni prensipal la epi chwazi Bib pou w wè lis tout liv ki nan Bib la.

• Chwazi Lang pou w wè lis tout tradiksyon Labib ki disponib yo. Tradiksyon Labib ou plis itilize yo parèt an premye nan lis la. Ou ka chèche tradiksyon w vle a tou lè w mete non tradiksyon an oswa non lang lan. Pa egzanp, ou ka tape “int” pou w jwenn tradiksyon Kingdom Interlinear la ann anglè oubyen ou ka tape “port” pou w jwenn tout tradiksyon Labib ki nan lang pòtigè.

• Tradiksyon Labib ou poko telechaje yo gen ti desen nyaj la bò kote yo. Chwazi yon tradiksyon Labib pou w ka telechaje l. Kou w fin telechaje l ou pap wè ti desen nyaj la ankò. Chwazi tradiksyon Labib la ankò pou w li l.

Si w pa ta jwenn tradiksyon Labib w ap chèche a, ou ka chèche l yon lòt fwa. Gen tradiksyon Labib yo ajoute nan lis la kou yo disponib.

Ou ka efase yon tradiksyon Labib si w pa bezwen l ankò oubyen si w vle gen plis espas.

Chwazi Bib nan meni prensipal la, apre sa chwazi opsyon Lang lan pou w wè tout tradiksyon Labib ki disponib. Chwazi tradiksyon Labib ou vle efase a, epi chwazi Efase.

Detanzantan, ou ka jwenn mizajou pou yon tradiksyon Labib ou te telechaje.