Gen kèk opsyon nan JW Library ki la pou ede w lè w ap sèvi ak aplikasyon an pou w fè lekti. Pou w jwenn opsyon sa yo, fè yon klik dwat oswa glise dwèt ou desann soti pa anlè ekran an pou w ouvri meni an.

Suiv enstriksyon ki vin apre yo pou w ka byen sèvi ak JW Library pou w fè lekti:

•  Chanje lang

•  Chanje paramèt tèks la

•  Gade l sou fòm imaj oswa sou fòm tèks

•  Ouvri l nan Bibliyotèk sou Entènèt

•  Ranje Bib yo jan w vle a

Ou gen posiblite pou w chanje lang pou chapit oswa atik w ap li a.

• Chwazi opsyon Lang pou w wè nan ki lang sa w ap li a disponib. Lang ou plis itilize yo ap anlè nan lis la. Lè se pou Toudegad, vèsyon senplifye nan lang nou plis itilize yo ap parèt anlè tou. Ou ka chèche lang ou vle a lè w ekri non lang sa a.

• Si w potko telechaje piblikasyon w ap li a nan yon lang, ap gen yon ti desen nyaj k ap parèt bò kot lang nan. Chwazi lang ou vle a pou w telechaje piblikasyon an. Yonfwa ou fin telechaje l, ou pap wè ti desen nyaj la ankò. Chwazi lang sa a ankò pou w ka li piblikasyon an ladan l.

Ou gen posiblite pou w ranje gwosè w vle tèks la parèt nan ekran an pou w ka pi alèz pou w li l.

Gen kèk atik ou ka wè sou fòm imaj oswa sou fòm tèks. Chwazi opsyon ki pèmèt ou chanje jan tèks la parèt la.

• Gade l sou fòm imaj: Si w fè l parèt sou fòm imaj, l ap parèt menm jan ak piblikasyon ki enprime a. Gen moun ki prefere fè kèk piblikasyon, tankou liv kantik la, parèt konsa, e sa pèmèt yo wè nòt mizik yo.

• Gade l sou fòm tèks: Si w fè l parèt sou fòm tèks, vèsè yo site yo ap parèt tankou yon lyen w ap ka chwazi e w ap gen posiblite pou w chanje gwosè tèks la tou.

Lè w chwazi vèsè yo site nan yon piblikasyon, w ap wè vèsè sa yo parèt. Chwazi opsyon Ranje l jan m vle a ki parèt anba vèsè yo pou w ka chwazi ki tradiksyon Labib nan sa ou te deja telechaje yo ou vle ki pou parèt nan lis la.

Gade “Telechaje epi jere tradiksyon Labib sou Windows yo” pou w aprann kòman w kapab gen lòt tradiksyon Labib nan JW Library.