TELE JW
Enstale aplikasyon JW Broadcasting nan sou Amazon Fire TV
Anvan w ka gade Tele JW sou Amazon Fire TV w la, ou bezwen enstale Fire TV w la epi mete aplikasyon JW Broadcasting nan sou li. Suiv etap ki pi ba yo pou w kòmanse:
Enstale Amazon Fire TV w la
Amazon Fire TV w la ta dwe gen enstriksyon pou ede w enstale l e pou ede w konekte l sou Entènèt. Lè w fin konekte Amazon Fire TV w la, suiv enstriksyon ki parèt sou ekran an pou w fin fè enstalasyon an. Petèt yo ka mande w pou w anrejistre Amazon Fire TV w la avèk non itilizatè ak modpas kont Amazon ou an.
Note sa: Pou w jwenn èd pou w fè enstalasyon an, w ap bezwen konekte sou Entènèt apati yon òdinatè oswa yon aparèy elektwonik mobil.
Pou plis enfòmasyon, gade videyo Amazon Fire TV a ki montre fason enstalasyon an fèt.
Mete Tele JW sou Amazon Fire TV
Ale sou paj akèy Amazon Fire TV w la, epi mete Tele JW lè w suiv etap ki vin annapre yo:
Peze Monte oswa Desann sou rimòt Amazon Fire TV w la jiskaske w seleksyone opsyon Rechèch la.
Peze Seleksyone.
Sou ekran Rechèch Fire TV w la, w ap jwenn: Fim, emisyon televizyon, aktè, direktè sinema, aplikasyon, jwèt ak chèn ki matche avèk sa w tape a. Chèche Tele JW nan rezilta ki parèt nan seksyon Apps & Games lan. Tape jw broadcasting.
Lè JW Broadcasting parèt nan lis rezilta a, peze flèch Desann nan pou w seleksyone JW Broadcasting nan rezilta rechèch la, epi peze Seleksyone. Peze flèch Adwat la jiskaske w seleksyone aplikasyon an, epi peze Seleksyone. Seleksyone bouton Pran l lan pou w telechaje aplikasyon an sou Amazon Fire TV w la. Apre aplikasyon an fin telechaje, bouton Pran l lan vin tounen bouton Ouvri.
Pou w gade Tele JW, seleksyone bouton Ouvri a, oubyen ale sou paj akèy Amazon Fire TV w la, epi chèche JW Broadcasting nan ribrik Aplikasyon an. Gade nan seksyon Bibliyotèk aplikasyon w lan.
