Nan dat ki te 27 septanm 2024 la, otorite nan peyi Eritre yo te fouye yon kay prive kote Temwen Jewova yo te reyini nan lapè. Polisye yo te arete 24 moun. Pami yo te gen 6 frè, 16 sè ak 2 timoun ki minè. Twa jou annapre, otorite yo te retounen e yo te arete sè ki t ap viv nan kay la ki gen 85 an. Annapre, yo te libere 2 timoun ki minè yo men yo te transfere 23 frè ak sè yo nan prizon May Serwa a.

Kounye a, gen 63 Temwen Jewova yo mete nan prizon nan peyi Eritre akoz lafwa yo, e gen 10 nan yo ki gen plis pase 70 an. Pa gen youn nan frè ak sè sa yo, san wete moun yo arete san rezon valab nan fouy yo te fè a, anvan sa yo te akize oswa kondane pou yon krim.

Evènman sa yo se dènye pèsekisyon nan tout pèsekisyon Temwen Jewova yo jwenn nan peyi Eritre. Sa gen prèske 30 an, nan jou ki te 25 oktòb 1994 la, prezidan Eritre a te anile sitwayènte tout Temwen Jewova ki fèt nan peyi sa a. Se sitou depi lè sa a frè ak sè nou yo jwenn gwo pèsekisyon e yo mete yo nan prizon san rezon valab.

Sa fè nou mal e sa fè nou tris anpil lè nou aprann dènye sa k sot pase yo. Pandan n ap “toujou sonje [frè ak sè] ki nan prizon” nan peyi Eritre nan priyè nou, nou gen konfyans Jewova ap kontinye ba yo rekonfò, andirans ak fòs. — Ebre 13:3.