Nan dat ki te 13 avril 2022 a, gwo lapli te tonbe sou plizyè pati nan Kwazalou Natal, yon pwovens ann Afrik disid, sa ki te lakòz plizyè santèn moun mouri, e te gen gwo dega. Gen kèk zòn ki te menm gen 300 milimèt lapli ki te tonbe nan 24 èdtan. Anpil zòn pa t gen kouran ak dlo. Anpil wout te kraze nèt.

• Pa gen okenn frè ak sè ki mouri.

• Pitit fi yon sè gen ti blese akoz yon mi ki te tonbe sou li.

• Yon frè gen ti blese akoz kay li kraze.

• 27 kay kraze.

• 102 kay gen domaj.

• 87 pwoklamatè oblije kite kay yo.

• 2 Sal Wayòm gen ti domaj.

• Yo mete yon komite sekou sou pye pou òganize travay pote sekou a.

• Ansyen yo nan kongregasyon yo ak siveyan sikonskripsyon yo ede pwoklamatè ki viktim yo jwenn sa yo bezwen.

• Tout moun ki te patisipe nan travay pote sekou a te respekte prekosyon moun dwe pran kont COVID-19.

Nou gen konfyans Jewova ap kontinye bò kote frè ak sè ki viktim akoz katastwòf sa a, toutpandan n ap tann benediksyon li pwomèt nou pral jwenn pou toutan. — 2 Korentyen 4:18.