Fanmi Betèl nan peyi Ajantin fin demenaje nèt pou ale nan nouvo lokal ki fèk konstwi a. Konpayi yo te fè kontra avèk li a te fini konstriksyon an ann ete 2021. Depi lè sa a, Betelit yo ak volontè nan konstriksyon yo kontinye ap fin fè dènye aranjman yo nan lokal la, tankou mete mèb yo, fè gwo netwayaj, fè plonbri ak elektrisite.

Lokal la gen yon bilding ki gen 136 biwo ak de bilding ki gen 98 chanm. Ansyen filyal la te gen plizyè bilding ki pa t menm kote. Nouvo filyal la pèmèt Betelit yo viv e travay nan yon sèl lokal. Lokal la sou yon espas 8 524 mèt kare e li andeyò Bwenozè, kapital peyi Ajantin.

Frè Humberto Cairo, yon manm Komite filyal la, di: “Pwojè sa a montre jan Jewova donan anpil. Nouvo lokal la bèl anpil, sitou ak logo jw.org la ki fasil pou moun wè.”

Frè Sebastian Rosso, k ap sèvi nan Depatman sèvis la, di: “Se yon trè bèl kado Jewova ban nou. Yo fè l yon fason k ap ede nou ak travay nou gen pou n fè yo. Nou vrèman rekonesan paske nou gen yon bèl filyal k ap ede nou konsa.”

Nou gen konfyans nouvo lokal Betèl la ap pèmèt Betelit yo byen fè travay yo epi bay yon bèl temwayaj nan kominote a, konsa tout glwa a ap pou Jewova. — 2 Kwonik 7:1.