Depi kèk ane, frè ak sè nou yo ann Ayiti ap fè fas chak jou pi plis ak vyolans gang lakòz e ak gwo dezòd ki gen nan peyi a. Depi 2 mas 2024, vin gen plis enstabilite ak vyolans nan Pòtoprens, kapital la, kote gwoup moun ak gwo zam te atake yon seri enstitisyon enpòtan ki gen nan peyi a. Gouvènman an mete yon kouvrefe e l deklare eta ijans nan peyi a. Selon rapò yo, yo estime gen 15 000 moun ki oblije kite kay yo pou y al nan lòt zòn ki pi an sekirite nan peyi a e gen plizyè dizèn moun yo touye.

• Pa gen okenn frè oswa sè ki blese oswa ki mouri.

• 113 frè ak sè te oblije kite kay yo.

• 2 kay detwi.

• 5 fanmi pèdi tout sa yo posede akoz piyaj.

• Pa gen okenn Sal Wayòm ki sibi domaj oswa ki kraze.

• Gen 4 komite sekou yo mete sou pye pou òganize travay pote sekou a nan tout tèritwa filyal la.

• Siveyan sikonskripsyon yo ak ansyen nan kongregasyon yo bay frè ak sè ki afekte yo, san wete sila yo ki te kouri deplase akoz vyolans, ankourajman ki soti nan Bib la e yo ede yo jwenn sa yo bezwen.

Antanke yon fanmi frè ak sè, sou tout tè a, n ap priye Jewova pou l bay frè ak sè nou yo ann Ayiti sajès e pou l ede yo anpè pandan moman sa yo ki vrèman difisil. Menm jan avèk yo, nou chofe pou n wè pwomès Jewova fè pou nou viv nan yon monn nouvo kote “lapè ap blayi tout kote” a reyalize. — Sòm 72:7.