Nan dat ki te 2 jen ak 3 jen 2023, lapli ki t ap tonbe te lakòz gwo dega nan plizyè zòn ann Ayiti. Rapò yo fè konnen gen plizyè dizèn milye kay ki inonde, e gen prèske 40 000 fanmi nan plizyè zòn ann Ayiti ki viktim. Gen plis pase 13 500 moun ki te oblije kite kay yo. Gen omwen 50 moun ki mouri.

• Pa gen okenn nan frè ak sè nou yo ki mouri.

• 1 frè ak 1 sè blese.

• 60 pwoklamatè te oblije kite kay yo.

• 1 kay kraze.

• 3 kay gen gwo domaj.

• 19 kay gen ti domaj.

• Pa gen Sal Wayòm oswa lokal teyokratik ki gen domaj.

• Siveyan sikonskripsyon yo ak ansyen nan zòn yo sèvi ak Bib la pou ankouraje frè ak sè nou yo ki nan zòn ki viktim yo, e yo ba yo èd ki pratik.

• Kongregasyon ki nan zòn yo bay èd yo nan travay pote sekou a.

Nou gen konfyans Jewova ap bay frè ak sè ann Ayiti ki viktim akoz inondasyon an “fòs”. — Sòm 29:11.