Nan dat 28 avril 2024, gwo lapli ki te kòmanse tonbe nan eta Rio Grande do Sul nan sid peyi Brezil te lakòz inondasyon. Lefètke lapli a te fò anpil e l te fè yon pakèt tan ap tonbe, sa te fè dlo anvayi anpil kote. Anpil wout ak pon te sibi domaj e nan pifò zòn, pa t gen kouran. Sa te vin fè l difisil pou anpil moun deplase kite zòn yo te ye a. Pou kounye a, gen 125 moun yo pa rive jwenn e gen anviwon 124 lòt ki mouri.

• Malerezman, gen yon mari ak madanm ki granmoun ki pèdi lavi yo

• Gen 1 544 frè ak sè ki kite zòn nan

• Gen 2 kay ki kraze

• Gen 155 kay ki sibi gwo domaj

• Gen 483 kay ki sibi domaj ki pa twò grav

• Gen 3 Sal Wayòm ki sibi gwo domaj

• Gen 10 Sal Wayòm ki sibi domaj ki pa twò grav

• Yo te nome yon komite sekou pou òganize travay pote sekou a. Manm komite sekou a te vwayaje nan zòn ki inonde a pou pote èd bay frè ak sè yo e pou ba yo ankourajman ki soti nan Bib la.

• Siveyan sikonskripsyon ak ansyen nan zòn nan ap bay frè ak sè yo èd yo bezwen pou yo rete pwòch ak Jewova e yo ede yo jwenn sa yo bezwen nan domèn materyèl.

• Gen fanmi Temwen Jewova ki nan lòt zòn nan peyi a k ap ede frè ak sè ki te kite kay yo jwenn yon kote pou yo rete annatandan.

Toutpandan inondasyon yo kontinye ap fè ravaj, n ap priye pou Jewova kapab kontinye ‘yon fòtrès’ pou frè ak sè n yo nan peyi Brezil ‘nan moman difisil sa yo’. — Sòm 37:39.