Sa fè dezyèm fwa nan mwens pase dizan, gwo dife ap fè dega nan peyi Chili. Otorite yo te idantifye plis pase 300 dife k ap gaye nan tout peyi a depi kòmansman mwa fevriye 2023 a. Sou chak senk dife gen anviwon youn yo pa rive kontwole. Dife yo detwi plis pase 430 000 kawo tè nan sant Awokanya, Byobyo ak Nouble. Gen rapò ki fè konnen gen gwo domaj nan enstalasyon de baz peyi a, sa gen ladan l otowout ak lopital. Gen 6 000 moun pou pi piti ki viktim akoz dife yo e  gen plis pase 1 500 kay ki detwi. Pou kounye a, yo rapòte gen vennsenk moun ki mouri.

• Pa gen okenn nan frè ak sè nou yo ki mouri.

• 222 pwoklamatè te oblije deplase kite kay yo, 76 poko ka retounen lakay yo.

• 18 kay detwi.

• Pa gen okenn Sal Wayòm ki andomaje.

• Ansyen ak siveyan sikonskripsyon zòn nan ap bay moun ki viktim akoz katastwòp la èd nan domèn espirityèl.

• Yo mete yon komite sekou sou pye pou dirije travay pote sekou a.

Nan moman difisil sa yo, frè ak sè nou yo kapab gen konfyans Jewova, “ki konsole nou nan tout eprèv nou yo”, toupre yo. — 2 Korentyen 1:4.