9 JANVYE 2023
NOUVÈL ENTÈNASYONAL
Pwojè Ramapo nan syèj mondyal la
Komite k ap jere vil Ramapo a apwouve yon pèmi espesyal
Nan dat 28 desanm 2022, Komite k ap jere vil Ramapo a te apwouve yon pèmi espesyal pou pwojè konstriksyon Ramapo a. a Pèmi sa a ap pèmèt nou itilize teren an pou nou konstwi bilding pou biwo, estidyo pou anrejistreman ak biwo rezidans nou bezwen yo. Mete sou sa, l ap pèmèt nou koupe pyebwa ki gen sou teren an annatandan yo apwouve pèmi konstriksyon Komite k ap jere vil la gen pou bay la. Nou espere jwenn pèmi sa a nan fen ane 2023 a. Pèmi espesyal sa a ap fè nou pa gen gwo reta sou pwojè a.
Men sa frè David Soto, yon frè k ap ede nan Komite pwojè konstriksyon an di: “Nou kontan jwenn pèmi sa a. Byenke gen lòt etap nou dwe fè anvan nou kòmanse konstriksyon pwojè a, nou gen asirans Jewova ap kontinye beni efò nou yo.”
Dat ak evènman ki gen rapò ak pwojè Ramapo a
5 oktòb 2019
Kolèj santral la anonse plan pou yo konstwi yon nouvo bilding pou pwodiksyon piblikasyon odyo ak videyo nan Ramapo, nan Nouyòk
26 jen 2020
Nou remèt aplikasyon final la bay Komite k ap jere vil Ramapo a.
8 jiyè 2020
Premye rankont sou pwojè a ak Komite k ap jere vil Ramapo a.
31 mas 2021
Nou remèt premye dokiman k ap esplike efè konstriksyon an ap genyen sou anviwònman a.
8 mas 2022
Komite k ap jere vil Tuxedo a bay pèmisyon pou agrandi epi fè chanjman nan antre teren Ramapo a.
12 mas 2022
Yo aksepte dokiman final k ap esplike efè konstriksyon an ap genyen sou anviwònman a.
9 novanm 2022
Komite k ap jere vil Ramapo a aksepte nouvo lwa k ap pèmèt nou itilize teren an pou nou fè biwo ak rezidans.
28 desanm 2022
Komite k ap jere vil Ramapo a apwouve pèmi espesyal pou nou konstwi sou teren an e pou nou koupe pyebwa ki sou li yo.
Sa n ap tann
Pou yo apwouve tout plan an.
a Nou jwenn pèmi sa a apre Komite k ap jere vil Ramapo a te apwouve desizyon yo te pran nan dat 9 novanm 2022 a, sa ki te fè l posib pou nou tou aplike pou pèmi espesyal la ak apwobasyon plan an.
