11 NOVANM 2022
NOUVÈL ENTÈNASYONAL
Pwojè Ramapo Syèj mondyal la
Komite k ap jere vil la apwouve yon chanjman nan konfigirasyon zòn nan, sa ki ouvri pòt pou plan pwojè Ramapo a jwenn apwobasyon
Nan jou ki te 9 novanm 2022 a, komite k ap jere vil Ramapo a te apwouve yon chanjman nan fason moun ka itilize zòn nan. Desizyon sa a ap pèmèt komite pwojè konstriksyon an fè demach pou yo jwenn yon pèmi espesyal e l ap pèmèt yo jwenn apwobasyon pou plan konstriksyon an. a
Pon an wòch la ki repare.
Anplis nouvo desizyon sa a, gen yon konpayi òganizasyon an peye pou sa ki te agrandi epi reranje wout ki mennen sou teren Ramapo a. Anmenmtan tou, gen volontè nan konstriksyon ki fin repare yon ansyen pon an wòch ki sou kote antre ki mennen sou pwopriyete a. Yo agrandi e yo ranfòse pon an pou pèmèt kèk ekipman ak machin sekou pase. Nan premye faz konstriksyon an, se sou pon an tout trafik ap fèt.
Nouvo aranjman ki fèt nan wout la.
Frè Matthew Mordecki, k ap sèvi nan komite pwojè konstriksyon an, fè konnen: “Nouvo desizyon sa a, konsènan chanjman ki fèt nan fason moun ka itilize zòn nan, pèmèt nou aplike pou yon pèmi espesyal e pou n jwenn apwobasyon pou plan konstriksyon an. Pèmi an ap pèmèt nou kòmanse netwaye sit la apati desanm 2022.”
N ap priye pou Jewova kontinye ede frè ak sè k ap travay dirèkteman nan pwojè konstriksyon sa a “reyisi”. — Neyemi 1:11.
a Anvan chanjman sa a, yo te klase zòn nan kòm zòn pou granmoun ak moun ki gen bezwen espesyal rete.