1YE MAS 2021
ETAZINI
Gwo tanpèt nèj nan sid Etazini lakòz gwo dega e plis pase 7 500 pwoklamatè oblije deplase kite kay yo
Zòn li frape
Sid Etazini
Katastwòf
Nan jou ki te 13 fevriye 2021 an, gwo tanpèt nèj, lapli ak van te frape yon seri zòn nan sid Etazini. Se Tegzas ki te gen plis dega. Pandan plizyè jou, gen kay ak biznis ki pa t gen kouran akoz lanèj, glas ak tanperati ki ba yo te anrejistre pou premye fwa nan zòn nan, sa ki te lakòz anpil domaj paske tiyo dlo yo te friz.
Sitiyasyon frè ak sè nou yo
Gen 11 pwoklamatè ki te bezwen swen lopital.
Gen 94 pwoklamatè ki te sibi domaj ki pa grav.
Gen 7 650 pwoklamatè ki te oblije kite kay yo.
Dega
Gen 14 Sal Wayòm ak 1 Sal asanble ki te sibi domaj ki pa grav.
Gen 5 Sal Wayòm ki te sibi gwo domaj.
Gen 3 224 kay ki te sibi domaj ki pa grav.
Gen 113 kay ki sibi gwo domaj.
Gen 12 kay ki kraze.
Dispozisyon pou pote èd
Siveyan sikonskripsyon yo ak ansyen yo ap travay ansanm ak komite sekou pou COVID-19 nan zòn nan pou bay frè ak sè yo èd pratik, tankou yo fè yo jwenn dlo pwòp pou yo bwè e yo fè reparasyon ki ijan nan kay yo ak nan Sal Wayòm yo. Epitou, frè yo fè aranjman pou frè ak sè ki deplase kite kay yo jwenn yon kote pwovizwa pou yo rete. Tout moun k ap pote sekou yo fè sa toutpandan y ap respekte tout enstriksyon anrapò ak COVID-19 la.
Nou gen Jewova rekonesans pou konsolasyon li bay frè ak sè sa yo move tan te frape. — 2 Korentyen 1:3.
Lòt sijè ki enteresan
KESYON MOUN POZE SOUVAN
Èske Temwen Jewova yo ede moun lè gen katastwòf natirèl?
Li sijè sa a e w ap wè jan nou ede kretyen parèy nou ak lòt moun lè gen katastwòf natirèl.
REPONS BIB LA BAY
Ki sa Bib la di sou katastwòf natirèl?
Èske se Bondye k ap pini nou? Èske Bondye ede moun ki viktim katastwòf natirèl?