Kèk pati nan Senvensan ak Babad.

• Nan dat 9 avril 2021 an, vòlkan ki rele La Soufrière la te kòmanse bay lafimen ak sann.

• Sann yo te tèlman anpil, sa te lakòz kèk bilding tonbe e yo te andomaje sistèm elektrik ak sistèm plonbri yo, sa ki te vin fè te manke dlo pou moun bwè.

• Li posib pou vòlkan an kontinye bay lafimen ak sann pandan kèk semèn toujou.

• Gen 185 pwoklamatè nan Senvensan ak Babad ki te oblije deplase kite kay yo.

• Zòn ki te plis touche a se nò Senvensan e jis kounye a moun poko kapab rive la, sa ki fè yo poko ka evalye tout dega ki fèt yo.

• Temwen k ap viv nan zòn ki pa an danje nan Senvensan ak nan zile ki toupre yo te akeyi frè ak sè ki te deplase yo lakay yo, toutpandan yo kontinye pran prekosyon anrapò ak COVID-19 la.

• Komite sekou COVID-19 pou zòn sa a te jwenn asiyasyon pou l ede nan travay pote sekou a. Komite sa a ap travay ak siveyan sikonskripsyon an ansanm ak ansyen yo nan zòn nan pou fè frè ak sè yo jwenn dlo pou yo bwè e pou ede yo deplase si sa nesesè.

• Ofisyèl nan Senvensan ak Sentlisi te bay èd ki nesesè tou.

Yon ti tan anvan vòlkan an te kòmanse bay lafimen ak sann, gen yon gwoup frè ki te rive ede yon frè aje ki avèg k ap viv poukont li retire kò l nan zòn nan. Pandan frè yo t aprale yon kote ki plis an sekirite, yo te wè yon pakèt moun k ap kouri pasipala nan lari a paske yo te panike. Erezman, tout pwoklamatè yo te rive kite zòn nan an byen.

Nou kontan wè jan frè ak sè k ap patisipe nan travay pote sekou a akeyi frè ak sè ki bezwen èd yo epi ba yo konsolasyon, pandan y ap imite Bondye nou an, li menm nou “ka jwenn èd li byen fasil nan moman difisil yo”. — Sòm 46:1-3.