Nan sid zile Lison ak lòt zile ki toupre.

• Nan dat 25 oktòb 2020 an, siklòn Molave, yo konnen l tou nan peyi Filipin sou non Quinta, te lakòz gwo dega nan zòn Albay, nan rejyon Bikòl, sou zile Lison. Apre sa, gwo tanpèt la te frape zile Lison.

• Nan dat 1^ye novanm 2020 an, gwo siklòn ki rele Goni an, yo konnen l tou nan peyi Filipin sou non Rolly, te rive sou zile Katanndwanès, yon lòt zile nan rejyon Bikòl. Apre sa, tanpèt sa a, ki te kategori 5, te lakòz gwo dega nan lòt zòn yo tou, yon seri zòn ki te deja gen anpil dega ki fèt akoz siklòn Molave.

• De tanpèt sa yo te pote anpil lapli ak van, sa ki te lakòz gwo inondasyon e anpil moun pa t gen kouran ak ase dlo pou yo bwè. Jis kounye a, li difisil anpil pou moun kominike ak anpil nan zòn sa yo pa mwayen telefòn oswa Entènèt.

• Gwo lapli ki te tonbe yo te lakòz gen anpil labou ki soti nan vòlkan ki sou mòn Mayon an k al fè anpil dega nan kay ki toupre mòn nan.

• Plizyè santèn pwoklamatè oblije kite kay yo.

• Gen yon sè ki gen 89 an ki te gen ti blese pandan li t ap kouri kite kay li ki te kraze nèt.

• 134 kay ak 8 Sal Wayòm gen ti domaj.

• 75 kay ak 8 Sal Wayòm gen gwo domaj.

• 101 kay ak 1 Sal Wayòm kraze rapyetè.

• Siveyan sikonskripsyon ak ansyen nan zòn nan te travay ak sis komite sekou pou yo asire yo frè ak sè yo gen ase manje, dlo, kote pou yo rete ak lòt bagay yo bezwen. Pandan èd sa yo ap bay, frè nou yo veye pou yo respekte prekosyon yo dwe pran kont COVID-19 la.

N ap kontinye priye pou frè ak sè nou yo ki viktim anba gwo katastwòf sa yo. Pandan moman difisil sa a, nou konnen Jewova ap kontinye montre li se “Papa ki gen kè sansib la, Bondye tout konsolasyon an” pou frè ak sè nou yo. — 2 Korentyen 1:3.