Lison

• Nan dat ki te 11 novanm 2020 an, siklòn Vamco (yo konnen l nan peyi Filipin sou non Ulysses) te frape Patnanoungan nan zòn Kezon e li te fè anpil dega sou zile Lison.

• Siklòn Vamco se 21^yèm siklòn twopikal ki frape peyi Filipin pandan ane 2020 an, e li lakòz gwo inondasyon.

• Siklòn nan te vini mwens pase de semèn apre gwo siklòn Goni te fin fè gwo dega sou zile Lison. Yo konsidere gwo siklòn Goni kòm youn nan pi gwo siklòn ki frape peyi Filipin depi ane 2013.

• Siklòn sa yo ki te frape youn apre lòt te pote gwo lapli ki ogmante kantite dlo ki nan baraj yo, sa ki te vin reprezante yon danje. Sa te pouse otorite yo lage yon pati nan dlo ki nan baraj yo. Kòm konsekans, te vin gen inondasyon nan yon seri zòn siklòn Vamco a pa t fè dega dirèkteman.

• Gen plis pase 600 fanmi ki te oblije kite kay yo akoz inondasyon yo. Gen kèk fanmi ki te oblije kouri al sou do kay yo pou dlo pa al avèk yo, e ki te rete la pou tann yo vin pote yo sekou.

• Gen yon jèn frè ki te blese akoz kèk moso vit te frape l nan vizaj. Li pa pi mal kounye a.

Men ki sa ki nan premye rapò a:

• Gen omwen 6 Sal Wayòm ak 1 biwo tradiksyon ki pa nan Betèl ki inonde.

• Gen omwen 20 kay ki sibi domaj.

• 1 kay kraze rapyetè.

• Siveyan sikonskripsyon ak ansyen nan zòn nan travay ansanm pou yo ede moun ki deplase yo jwenn manje, dlo ak kote pou yo rete.

• Gen kèk fanmi ki te retounen lakay yo pou yo kòmanse fè netwayaj.

• Gen 3 nouvo komite sekou k ap òganize travay pote èd la.

• Pandan èd sa yo ap bay, frè yo veye pou yo respekte prekosyon yo dwe pran kont COVID-19 la.

Nou konnen Jewova ap soutni frè ak sè nou yo nan moman difisil sa a. Se pa ti tann n ap tann moman kote tout moun nan pèp Jewova a pral viv nan lapè ak sekirite, san yo pa pè katastwòf natirèl. — Sòm 4:8.