Tifon Rai (yo konnen l sou non Odette nan peyi a) te frape plizyè zòn nan peyi Filipin soti 16 pou rive 18 desanm 2021. Lè li te rive sou zile Syagawo nan peyi Filipin, vitès van an te 195 kilomèt alè. Li te fè gwo dega nan pwovens ki nan nò Mindanawo, ak sa ki nan sid Louzon ak nan Visayas.

• Malerezman, gen 4 pwoklamatè ki mouri.

• Gen 1 pwoklamatè yo poko wè.

• 12 frè ak sè blese.

• Gen plis pase 2 000 pwoklamatè ki oblije kite kay yo.

• 246 kay kraze.

• 327 kay gen gwo domaj.

• 1 174 kay gen ti domaj.

• 43 Sal Wayòm gen ti domaj.

• Yo nome 6 komite sekou pou òganize travay pote sekou a.

• Ansyen ki nan zòn yo sèvi ak Bib la pou ankouraje moun ki viktim yo, san wete moun ki gen moun pa yo ki mouri.

• Tout moun k ap patisipe nan travay pote sekou a respekte prekosyon moun dwe pran kont COVID-19 la.

Anba direksyon ansyen yo, frè ak sè ki nan zòn tifon an pa frape yo bay pwoklamatè ki viktim yo manje ak rad. San pèdi tan, yo te distribye manje ki te soti nan vil Davawo bay fanmi ki te nan bezwen nan vil Sirigawo yo.

Nou tris lè nou aprann gen frè ak sè nou ki mouri akoz katastwòf sa a. Pandan n ap andire ‘tan sa yo ki di e ki difisil pou moun sipòte’, n ap kontinye konte sou Jewova pou l konsole nou e pou l ban nou fòs. — 2 Timote 3:1.