4 ME 2022
GANA
Labib — Tadiksyon monn nouvo a parèt nan lang twi (asante)
Tradiksyon Labib la te disponib pou telechaje tousuit apre diskou frè Sanderson nan.
Jou ki te dimanch 24 avril 2022 a, frè Mark Sanderson, yon manm Kolèj santral la, te fè konnen Labib — Tradiksyon monn nouvo a parèt nan lang twi (asante). Tousuit apre diskou a, frè yo te ka telechaje Bib la sou fòma elektwonik. Fòma enprime a ap disponib ann out.
Lang twi (asante) ak lang twi (akwapèm) nan gwoup lang akan an plizyè milyon moun ann Afrik delwès pale. Te gen yon tradiksyon Labib nan lang twi ki te vin disponib an 1871, men se te sèlman nan lang twi (akwapèm) li te disponib. An 1897, te gen yon lòt tradiksyon Labib nan lang twi (akwapèm) ki te vin parèt. Se jis an 1964 yo te fè premye tradiksyon Labib nan lang twi (asante). An 2012, Temwen Jewova yo te pwodui yon edisyon Labib — Tradiksyon monn nouvo a nan lang twi (asante).
Yon sè ki lakay li k ap gade pwogram nan ki te tou anrejistre.
Men sa yon tradiktè di lè l ap reflechi ak pwojè a: “Lè travay la te fèk kòmanse, nou te santi nou pap ka rive fè travay la tèlman li anpil. Men, nou te priye Jewova anpil e nou te konte nèt sou lespri Jewova. Chak jou, nou te wè jan Jewova te ede nou.”
Labib — Tradiksyon monn nouvo a nan lang twi (asante) se yon lòt kado ki ede frè ak sè ki pale lang twi yo pi byen sèvi Jewova, Bondye nou an ki renmen bay. — Jak 1:17.
Lòt sijè ki enteresan
KESYON MOUN POZE SOUVAN
Èske Temwen Jewova yo gen Bib pa yo?
Lè w sèvi ak plizyè tradiksyon Labib pou w etidye Bib la, sa ka ede w anpil nan etid w ap fè a. Twa bagay ki fè Tradiksyon monn nouvo a se yon bon tradiksyon pou w egzamine lè w ap etidye Bib la.
FASON N ITILIZE OFRANN NOU YO
N ap pwodui liv ki pi enpòtan an
Sa mande plis pase sa w panse pou yo rive tradui, enprime epi relye Tradiksyon monn nouvo a.