Depi 7 oktòb 2023, gen gwo vyolans ak gwo konfli ant Izrayèl ak Gaza. Gen plizyè santèn milye moun ki oblije deplase. Selon rapò yo bay, gen anviwon 4 200 moun ki gentan mouri.

• Pa gen okenn frè oswa sè ki mouri oswa ki blese

• 93 pwoklamatè oblije deplase kite kay yo

• 3 kay sibi ti domaj

• Pa gen Sal Wayòm ki sibi domaj

• Siveyan sikonskripsyon yo ak ansyen yo ap bay frè ak sè ki viktim yo èd yo bezwen nan domèn espirityèl, afektif ak fizik

• Yo mete yon Komite sekou sou pye pou sipèvize travay pote sekou a

Frè ak sè nou yo ki nan zòn ki afekte yo ap fè gwo efò pou yo kontinye sèvi Jewova lè yo reyini pa mwayen videyo konferans. Men sa yon siveyan sikonskripsyon di: “Byenke li difisil pou n konnen ki jan sitiyasyon an pral vini nan jou k ap vini yo, sa ankourajan pou n wè jan frè ak sè yo demontre yon lafwa ki djanm ak yon lanmou sensè youn pou lòt.”

N ap tann reyalizasyon pwomès Bib la fè kote talè konsa “[pap] gen lagè ankò sou tout kò tè a”. — Sòm 46:9.